آسٹریلیا کے سابق کرکٹر اور کوچ ٹام موڈی نے بابر اعظم کو بھارتی کپتان ویرات کوہلی سے بہتر بلے باز قرار دے دیا۔ ان کا کہنا ہے کہ بابر اعظم ایک خاص ٹیلنٹ ہیں۔

ایک انٹرویو کے دوران گفتگو کرتے ہوئے انہوں نے کہا ہے کہ اگر آپ کہتے ہیں کوہلی کو بیٹنگ کرتے دیکھنا اچھا لگتا ہے تو بابر اعظم کو بیٹنگ کرتے ہوئے دیکھنا چاہیئے۔

ٹام موڈی کے مطابق پاکستانی اسٹار بلے باز گزشتہ ایک برس میں خصوصی ٹیلنٹ کے طور پر سامنے آئے ہیں۔

ان کا کہنا ہے کہ وہ واقعی خاص ہیں اور میرے خیال میں اگلی دہائی کے 5 ٹاپ بلے بازوں میں سے وہ ایک ہوں گے۔